Deputetja e Lëvizjes Vetëvendosje, Fitore Pacolli, ka paralajmëruar padi ndaj gazetarëve të mediumit “Vox Kosova”, të cilët raportuan se bashkëshorti i saj kishte marrë mijëra euro nga Ministria e Kulturës, Rinisë dhe Sportit.
Sipas këtij mediumi, burri i Pacollit kryeson një Organizatë, dhe ka marrë fonde nga MRKS.
E pikërisht ky raportim, ka bërë që Pacolli të dalë me një reagim duke dashur t’i frikësojë gazetarët me padi.
“Dita e re, shpifje të reja! Paska me më shku e diela duke shkruar padi. E diela e padive . Ju që shpifët dje, tashmë veçse jeni futur në listë. E ju që do shpifni sot e njëjta ju pret. Para disa ditësh, një raport i pavarur i shoqërisë civile më shpalli si gruan më të sulmuar. Dhe po, është e vërtetë më kanë sulmuar më së shumti. Por këta shpifës kanë hasur në një gur të fortë: as një grimcë nuk ma heqin, e lëre më të më thyejnë”, ka shkruar Pacolli në Facebook.
