Ministri i Bujqësisë, Faton Peci ka njoftuar se ka bërë kallëzim penal ndaj kryetarit të LDK-së, Lumir Abdixhkut dhe kryetarit të Forumit Rinor të LDK-së, Paris Gurit.
Kjo erdhi pasi LDK-ja ka reaguar për grantet e dhëna nga Ministria e Bujqësisë për të afërmit e Fitore Pacollit.
“Kallxim penal ndaj Paris Gurit, Lumir Abdixhikut dhe të tjerëve! Sipas ekipit të ekspertëve tanë këta dhe LDK-ja konsumuan këto vepra penale si mashtrimi, shtytja në lajmërim apo kallëzim të rremë, pjesëmarrje ose organizim i grupit kriminal dhe shantazh! Të lartëpërmendurit, deshën të konstruktojnë fabrikime duke tentuar t’i shtyejnë fermerët të deklarojnë se përkrahja e marrë në mënyrë meritore, nuk ishte e tillë, por e përfituar me anë të ryshfetit!Njollosja e fermerëve meritorë e qeverisjes transparente, nuk kalon!”, ka shkruar Peci në Facebook.
