Mbledhja e sotme e Komisionit për Media është shoqëruar me debate të ashpra mes deputetëve të PDK-së dhe atyre të Lëvizjes Vetëvendosje. Shkak është bërë propozimi i kryetares Ariana Musliu-Shoshi për të ftuar në dëgjim publik punëtoret e larguara nga Radio Televizioni i Kosovës (RTK), një lëvizje kjo që është pritur me rezistencë nga ana e pushtetit.
Pikat e nxehte të debatit: Mbikëqyrje apo ndërhyrje?
Përderisa opozita kërkon transparencë të menjëhershme për shkarkimet në transmetuesin publik, pozita insiston që të priten vendimet e organeve ligjore.
-
Propozimi i Opozitës: Ariana Musliu-Shoshi (PDK) propozoi që në mars të ftohen tri punëtoret e larguara dhe anëtarët e Bordit të RTK-së për të sqaruar rrethanat e shkarkimit.
-
Rezistenca e LVV: Deputeti Fitim Haziri (LVV) u shpreh kundër, duke argumentuar se Komisioni nuk mund të luajë rolin e Inspektoratit të Punës. “Nuk jemi inspektorat. Duhet të presim vendimet e shkallëve të tjera para se të ndërhyjmë,” tha ai.
- Advertisement - -
Përgjigjja e Kryetares: Musliu-Shoshi u kundërpërgjigj duke thënë se asnjë rregullore nuk e ndalon dëgjimin publik dhe se deputetët kanë detyrë të trajtojnë kërkesat e qytetarëve.
-
Qëndrimi i AAK: Time Kadrijaj theksoi se mbikëqyrja e çdo institucioni që bie në fushëveprimtarinë e komisionit është obligim ligjor dhe nuk duhet t’i iket përgjegjësisë.
