Presidenti ukrainas njoftoi se Rusia lëshoi më shumë se 50 raketa dhe rreth 500 dronë sulmues, të cilët kishin në shënjestës rajonet Ivano-Frankivsk, Zaporizhzhia, Chernihiv, Sumy, Kharkiv, Kherson, Odesa dhe Kirovohrad.
“Rusët edhe një herë shënjestruan infrastrukturën tonë – gjithçka që siguron jetë normale për popullin tonë. Ne kemi nevojë për më shumë mbrojtje dhe zbatim më të shpejtë të të gjitha marrëveshjeve të mbrojtjes, veçanërisht për mbrojtjen ajrore, për ta privuar këtë terror ajror nga çdo kuptim. Një armëpushim i njëanshëm në qiell është i mundur – dhe është pikërisht ai që mund të hapë rrugën për diplomaci të vërtetë. Amerika dhe Evropa duhet të veprojnë për ta ndaluar Putinin”, tha ai.
Forcat e armatosura të Polonisë u detyruan të ngrinin avionë luftarakë për të mbrojtur hapësirën ajrore gjatë sulmit të Rusisë ndaj Ukrainës.
“Avionët polakë dhe aleatë po operojnë në hapësirën tonë ajrore, ndërsa sistemet e mbrojtjes ajrore tokësore dhe të zbulimit me radar janë sjellë në gjendjen më të lartë të gatishmërisë”, tha komanda operative e Polonisë në një postim në X.
Aeroporti i Lituanisë në Vilnius u mbyll për disa orë gjatë natës pas raportimeve për një seri balonash të mundshme që po shkonin drejt aeroportit vonë të shtunën.
