Kjo është hera e parë që një pikturë e artistit belg, René Magritte, shitet për më shumë se 100 milionë dollarë.
Pas një beteje dhjetë minutëshe, një pikturë nga seria e Magritte “L’empire des lumières” (“Perandoria e Dritës”) u shit për një rekord duke thyer 121 milionë dollarë të martën.
Piktura është e njohur për lojën e saj mbi dritën dhe hijen, duke përshkruar imazhin paradoksal të një shtëpie natën, e ndezur vetëm nga një llambë rruge, nën një qiell blu të ditës.
Shitja u zhvillua në Christie’s në Nju Jork, me shumën prej 121 milionë dollarësh që ishte çmimi më i lartë i paguar për një pjesë të artit surrealist në ankand. Magritte e pikturoi veprën në vitin 1957, por gjatë karrierës së tij ai prodhoi 17 piktura me vaj dhe 10 gouache që të gjitha ndajnë emrin “L’empire des lumières”.
Shitja gjithashtu e bën Magritte artistin e 16-të që ka thyer pragun e 100 milionë dollarëve, sipas të dhënave të përpiluara nga kompania analitike franceze e tregut Artprice.
Në këtë foto të vitit 1965, Rene Magritte bën dolli për pikturën e tij të vitit 1958 “Forca e Rrethanës” në shtëpinë de Menil në Houston, Teksas AP
Andy Warhol, Leonardo Da Vinci dhe Pablo Picasso (pikturat e të cilëve janë shitur për më shumë se 100 milionë dollarë në gjashtë ankande) janë në mesin e artistëve të tjerë që kanë thyer më parë këtë rekord, raporton Euronews.
Kjo vepër është nxjerrë nga koleksioni i dizajneres së brendshme rumuno-amerikane Mica Ertegun.
Pikturat e hershme të Magritte, të cilat datojnë rreth vitit 1915, adoptuan një stil impresionist. Piktori vazhdoi studimet në Académie Royale des Beaux-Arts në Bruksel.
Kur artisti u shpërngul në Paris në fund të viteve 1920, ai krijoi një miqësi me shkrimtarin francez André Breton, ku kjo ishte edhe periudha në të cilën ai filloi përfshirjen e tij në grupin Surrealist.
