Polica e Kosovës ka njoftuar se është duke monitoruar situatën pas reshjeve të shiut, të cilat në disa zona të vendit nëpër rrugë të ndryshme kanë shkaktuar vështirësi në qarkullim, përfshirë dëmtime të rrugëve, rrëshqitje dheu e dëmtime në ura të caktuara.
Policia ka shtuar se ka rritur praninë policore në terren.
- Advertisement -
‘U bëjmë thirrje të gjithë shoferëve që të tregojnë kujdes dhe vigjilencë të shtuar, të respektojnë rregullat e trafikut dhe ta përshtatin vozitjen me kushtet aktuale të rrugës dhe dukshmërinë e reduktuar, në mënyrë që të shmangin aksidentet e mundshme. Siguria fillon nga ju. Kur kushtet në rrugë ndryshojnë, kujdesi duhet të rritet”.
