Policia e Kosovës ka reaguar ndaj disa shkrimeve në mediat serbe se kinse pjesëtarët e saj të armatosur e kanë kaluar në mënyrë të paautorizuar vijën kufitare me Serbinë në veri të vendit.
Organet e rendit të Kosovës e quan të pavërtetë këtë lajm dhe se njoftimi i Ministrisë së Mbrojtjes së Serbisë nuk qëndron.
“Andaj këto shkrime dhe njoftimi i publikuar si i tillë, është një dezinformacion i cili ka për qëllim të krijoj pasiguri te qytetarët e asaj zone dhe të njollosë punën e Policisë së Kosovës. Policia e Kosovës, si institucion i besueshëm dhe transparent do kujdeset në vazhdimësi që të ofrojë informacione zyrtare për media dhe opinionin e gjerë, kurdo që ato kërkohen dhe janë të nevojshme për media dhe publikun”, thuhet në reagimin e policisë.
