MITROVICË (“E VERIUT“)– Në një ditë kur Mitrovica kujton përvjetorin e rëndë të masakrës së 3-4 shkurtit të vitit 2000 ndaj shqiptarëve, Policia e Kosovës ka dhënë një përgjigje të fuqishme përmes sundimit të ligjit. Pas marrjes së informacioneve nga qytetarët, forcat e rendit kanë bastisur një bodrum në rrugën “Vasilije Ostroshki” në Mitrovicë të Veriut, ku kanë zbuluar një “bunker” me armë e pajisje ushtarake.
Në këtë operacion, policia ka sekuestruar një arsenal të vërtetë lufte:
-
3 armë të gjata (të llojit kallashnikov) dhe pjesë përcjellëse si tytë vazhduese e kondak.
-
764 fishekë të kalibrave të ndryshëm, 14 karikatorë dhe 10 krehër për fishekë.
- Advertisement - -
1 granatë dore tymuese dhe pajisje luftarake: 2 antiplumb, 2 jakne ushtarake, uniformë dhe pantallona ushtarake.
Ky aksion vjen në një moment tejet simbolik, duke dëshmuar se institucionet e sigurisë janë të gatshme të parandalojnë çdo skenar destabilizues në zonat ku dikur lulëzonte krimi dhe dhuna etnike. Lidhur me rastin është njoftuar Prokurori i Shtetit, ndërsa hetimet po vazhdojnë për të identifikuar personat që i posedonin këto mjete ilegale. Policia ka falënderuar qytetarët për bashkëpunimin e vazhdueshëm në rritjen e sigurisë.
