E ngarkuara me punë në ambasadën e Shteteve të Bashkuara të Amerikës, Anu Prattipati, është takuar me ministrin e Financave, Hekuran Murati.
Në njoftimin e ambasadës, bëhet e ditur se të dy kanë diskutuar prioritetet e ardhshme të investimeve të Kosovës dhe projektet madhore zhvillimore.
“E Ngarkuara me Punë, Anu Prattipati, u takua sot me ministrin e Financave, Hekuran Murati, për të diskutuar prioritetet e ardhshme të investimeve të Kosovës dhe projektet madhore zhvillimore. Ndërsa projektet e rëndësishme infrastrukturore po ecin përpara, ne mirëpresim zgjerimin e mundësive për kompanitë amerikane dhe angazhimin më të fuqishëm tregtar që promovon interesat e përbashkëta ekonomike’’, thuhet në njoftimin e ambasadës.
Ndryshe, Prattipati, ka takuar edhe ministrin e Administrimit të Pushtetit Lokal, Elbert Krasniqin.
