Presidentja e vendit, Vjosa Osmani, pret sot në orën 13:00 në një takim konsultativ, liderët e partive politike parlamentare.
Ky takim vjen pas 15 seancash të dështuara për zgjedhjen e kryetarit të Kuvendit dhe pas një sërë akuzash të ndërsjella mes partive për mungesë vullneti politik dhe bllokim të procesit.
- Advertisement -
Qëndrimet e partive mbeten të pandryshuara, sidomos për sa i përket kandidaturës së propozuar nga Lëvizja Vetëvendosje për kryetare të Kuvendit, Albulena Haxhiu, e cila deri më tani nuk ka arritur të sigurojë shumicën e nevojshme të votave.
Nga ora 15:00, presidentja do të takohet edhe me përfaqësuesit e subjekteve të komuniteteve joshumicë, për të diskutuar po ashtu mbi ngërçin institucional.
