Prokuroria Themelore në Prizren ka njoftuar se në bashkëpunim me Policinë e Kosovës, pas hetimeve intensive, kanë zhvilluar një aksion të suksesshëm më datë 02.04.2026 në Prizren.
Gjatë këtij operacioni është zbuluar një laborator modern për kultivimin e bimës narkotike kanabis sativa. Si rezultat, janë arrestuar dy persona të dyshuar dhe janë asgjësuar rreth 300 bimë narkotike të kultivuara brenda laboratorit.
Lidhur me këtë çështje penale, të pandehurit M.M. dhe I.M., dyshohet se në bashkëkryerje dhe pa autorizim kanë kultivuar bimët me qëllim prodhimin e sasisë së madhe të narkotikëve dhe përgatitjen e tyre për shitje.
Detajet e sekuestrimit: Nga pajisjet laboratorike te armët Në komunikatën për media bëhet e ditur se sasia e provave materiale të sekuestruara është e konsiderueshme, duke përfshirë infrastrukturë komplekse për rritjen e bimëve.
“Gjatë kontrollit janë sekuestruar mbi 700 vazo, pajisje për ndriçim, ngrohje dhe ventilim (motorë, trafo, kondicionerë, lidhëse dhe termostate). Gjithashtu, janë gjetur thasë me dhe, preparate për rritjen e bimëve, udhëzues për kultivim, si dhe sasi të marihuanës (1.19 gram) dhe kokainës (0.41 gram)”, thuhet në njoftim.
Përveç laboratorit, Policia ka sekuestruar edhe:
-
Një pistoletë dhe 29 fishekë;
-
Një veturë të tipit “Hyundai” pa targa dhe një furgon që shërbenin për transport;
-
Pajisje shtesë si pompa spërkatëse, matës lagështie dhe mbushës radiolidhjeje.
Veprat penale dhe masat e sigurisë Sipas Prokurorisë, të dyshuarit ngarkohen me tri vepra të rënda penale: „Kultivimi i bimës së hashashit, shkurres së kokainës ose bimëve të kanabisit“, „Blerja, posedimi, shpërndarja dhe shitja e paautorizuar e narkotikëve” dhe “Mbajtja në pronësi apo posedim të paautorizuar të armëve”.
Të pandehurit gjenden aktualisht në ndalim 48-orësh, ndërsa Prokuroria ka parashtruar kërkesën për caktimin e masës së paraburgimit në gjykatën kompetente. Prokuroria Themelore në Prizren ka ripërsëritur përkushtimin e saj në luftën ndaj kriminalitetit dhe forcimin e sundimit të ligjit në vend.
