Vladimir Putin ka thënë se është gati të diskutojë luftën në Ukrainë me Donald Trump dhe sugjeroi se do të ishte një ide e mirë që ata të takoheshin.
Në komentet e tij të para që kur Trump lëshoi kërcënimet për t’i shkaktuar dëme ekonomike Rusisë nëse ajo dështon t’i japë fund luftës në Ukrainë, Putin dha një ton të favorshëm ndaj presidentit të SHBA.
“Ne i besojmë deklaratave të presidentit aktual për gatishmërinë e tij për të punuar së bashku. Ne jemi gjithmonë të hapur për këtë dhe të gatshëm për negociata. Do të ishte më mirë që ne të takoheshim, bazuar në realitetet e sotme, për të biseduar me qetësi” i tha një gazetari të mediumit shtetëror.
Putin vazhdoi duke e përshkruar marrëdhënien e tij me Trump si “biznesore, pragmatike dhe të besueshme”.
Ai shtoi se negociatat me Ukrainën ishin të komplikuara nga fakti se presidenti i saj, Volodymyr Zelenskyy, kishte nënshkruar një dekret që e pengonte atë të zhvillonte bisedime me Putinin.
