Presidenti rus Vlladimir Putin, në konferencën e fundvitit, ka shprehur gatishmërinë për t’u ulur në bisedime për ndërprerjen e luftës në Ukrainë.
Ai ka njoftuar se Sllovakia është e gatshme të presë bisedimet e paqes midis Rusisë dhe Ukrainës.
Sipas tij, autoritetet sllovake kanë thënë se ato “do të ishin të lumtura të ofronin vendin e tyre si një platformë për negociata”.
“Ne nuk jemi kundër, nëse bëhet fjalë për këtë”, shtoi ai. “Pse jo? Meqenëse Sllovakia mban një pozicion kaq neutral”.
Në këtë konferencë ai ka folur edhe për furnizimin me gaz, derisa ka shtuar se nuk ka mbetur kohë këtë vit për të nënshkruar një marrëveshje të re të transitit të gazit ukrainas, duke fajësuar Ukrainën për refuzimin e zgjatjes së marrëveshjes.
Marrëveshja aktuale pesëvjeçare që furnizon Sllovakinë, Republikën Çeke dhe Austrinë me gaz rus nëpërmjet Ukrainës skadon në fund të vitit.
Volodymyr Zelenskyy ka thënë se Kievi nuk do ta rinovojë marrëveshjen.
