Ka filluar mbledhja e Qeverisë së Kosovës, ku në qendër të vëmendjes është shqyrtimi i projektligjit për masat e përkohshme të produkteve themelore në raste të veçanta të destabilizimit në treg.
Ky nismë legjislative vjen në një periudhë kur vendi po përballet me rritje të vazhdueshme të çmimeve, veçanërisht të naftës dhe produkteve të tjera bazë. Kjo shtrenjtim vjen si pasojë e zhvillimeve të fundit në Lindjen e Mesme, të cilat kanë ndikuar në tregjet globale që nga muaji shkurt.
Vlen të theksohet se një ligj i ngjashëm, i cili parashihte vendosjen e çmimeve tavan, ishte rrëzuar gjatë mandatit të kaluar nga Gjykata Kushtetuese. Megjithatë, ekzekutivi ka rikthyer në agjendë këtë rregullore për të parandaluar spekulimet në treg.
Kurti: Zbatimi i ligjit mbron qytetarët Kryeministri Albin Kurti, gjatë fjalës së tij në hapje të mbledhjes, ka theksuar rëndësinë jetike të zbatimit të këtij ligji në praktikë për të ruajtur mirëqenien e qytetarëve.
„Deri më tani na ka munguar zbatimi i këtij ligji në praktikë, dhe këtë e kanë paguar qytetarët“, deklaroi kryeministri, duke lënë të kuptohet se kësaj radhe qeveria do të insistojë në mekanizma më të fuqishëm mbikëqyrës.
Projektligji pritet të përcaktojë kufijtë maksimalë të fitimit për produktet bazë, në mënyrë që të evitohet rëndimi i papërballueshëm i kostos së jetesës për familjet kosovare në kohë krizash globale.
