Qendra Klinike Universitare e Kosovës (QKUK) ka përfunduar një projekt të rëndësishëm investues për përmirësimin e kushteve infrastrukturore dhe funksionale brenda klinikave të saj, duke vendosur 6 pompa termike dhe realizuar ndërhyrje ndërtimore që synojnë krijimin e një ambienti më të përshtatshëm për trajtimin e pacientëve dhe punën e stafit mjekësor.
Investimi kap vlerën prej 178 mijë euro dhe përfshin:
🔹 Vendosjen e 6 pompave termike, prej tyre:
• 3 pompa në blloqet operative të Urologjisë, Kirurgjisë Abdominale, Kirurgjisë Plastike, Vaskulare dhe Neurokirurgjisë
• 3 pompa në klinikat e ORL-së, Oftalmologjisë dhe Kirurgjisë Maksilofaciale
🔹 Izolimin e kulmeve të dy klinikave:
• 649 m² izolim në kulmin e Klinikës së ORL-së
• Izolim shtesë në Klinikën e Reumatologjisë, ku janë instaluar pajisjet e reja
Ky projekt përfaqëson një hap konkret drejt modernizimit të QKUK-së dhe përmirësimit të efikasitetit energjetik dhe kushteve mjedisore në shërbimet spitalore.
“Ky është një tjetër hap drejt një QKUK-je më funksionale dhe efikase – në shërbim të pacientëve dhe përkrahjes së stafit shëndetësor,” ka thënë ud i drejtorit të QKUK-së, Osman Hajdari.
Me këto investime, QKUK konfirmon angazhimin e saj për të rritur cilësinë e shërbimeve dhe për të krijuar një ambient të sigurt e komod për të gjithë.
