Kryetari i Prishtinës, Përparim Rama, i cili synon edhe një mandat të ri në kryeqytet, ka thënë se punët janë në përfundim, përkundër bllokadave.
“Të gjitha premtimet që i kemi bërë jemi duke i shtyrë përpara. Para 4 viteve kam thënë që na duhen 8 vite për t’i kryer projektet e mëdha. Kemi filluar punë të mëdha përkundër pengesave”, tha Rama në Pressing të T7.
- Advertisement -
“Kur ka punë normal që shkaktohen probleme, në këtë rrugë është dashur me u punu në të dhe gjatë kohës s’kanë pasur qasje qytetarët apo makinat. Mirëpo tash që është përfundu është një eksperiencë pozitive”, tha Rama.
“Vitin e kaluar kemi arritë realizim rekord të shpenzimit të buxhetit për shkak se kemi bë një numër të madh të projekteve në kryeqytet”, tha mes tjerash Rama.
