Kryetari i Komunës së Prishtinës, Përparim Rama, ka bërë të ditur se ka filluar faza e dytë e punimeve në sheshin “Xhorxh Bush” në kryeqytet.
“Në sheshin ‘Xhorxh Bush’ ka filluar faza e dytë e punimeve”, ka shkruar Rama në profilin e tij në “Facebook”.
- Advertisement -
Punimet që parashohin transformimin e sheshit “Xhorxh Bush” në kryeqytet janë shoqëruar me shumë polemika.
Problemi lidhej me mosmarrëveshjet mes Komunës së Prishtinës dhe Ministrisë së Kulturës, Rinisë dhe Sportit të Kosovës për atë se cilat ndërhyrje mund të rrezikojnë asetet e trashëgimisë kulturore në ato hapësira.
