Ramush Haradinaj nderon familjen Konushevci – “Iliri ishte figurë emblematike e UÇK-së”

Kreu i AAK-së, Ramush Haradinaj, viziton babain e Ilir Konushevcit pas një ndërhyrjeje shëndetësore, duke uruar shërim dhe festat e Nëntorit.

Haradinaj ka reaguar sot me një mesazh të fuqishëm për figurën e Ilir Konushevcit, njërin prej emrave më emblematikë të Ushtrisë Çlirimtare të Kosovës.

Ai tha se Iliri ishte ndër themeluesit moralë dhe ushtarakë të njësive të para të armatosura, deri në rënien e tij heroike.

Ramush Haradinaj njoftoi gjithashtu se ka vizituar babain e tij, bacën Halit, pas një ndërhyrjeje mjekësore, duke i uruar shërim të shpejtë.

Ai i ka përcjellë edhe urimet për festat e Nëntorit, duke theksuar se nderimi për familjen Konushevci është nderim për vetë sakrificën e lirisë.