Komitetet e udhëhequra nga republikanët në Senatin dhe Dhomën e Përfaqësuesve kanë paralajmëruar intensifikim të mbikëqyrjes ndaj Pentagonit, pas një raporti të Washington Post që ka ngjallur bujë të madhe në Uashington.
Sipas raportimit, Sekretari i Mbrojtjes, Pete Hegseth, dyshohet se ka dhënë një urdhër verbal për eliminimin e të gjithë anëtarëve të ekuipazhit të një anijeje të dyshuar për kontrabandë droge në Detin e Karaibeve. Ky pretendim ka ngritur shqetësime serioze për respektimin e rregullave të angazhimit ushtarak dhe për kompetencat e zyrtarëve të lartë në situata operative.
Komitetet republikane kanë premtuar një “mbikëqyrje të fuqishme dhe të paanshme” për të sqaruar rrethanat e urdhrit të dyshuar dhe për të përcaktuar nëse janë shkelur ligjet ndërkombëtare ose protokollet ushtarake të SHBA-së.
Ngjarja ka hapur debat të ashpër politik në Washington, duke shtuar presionin ndaj Pentagonit për transparencë dhe përgjegjësi.
