Reshjet e shiut të shoqëruara me erë kanë shkaktuar vështirësi në disa zona të vendit, duke përfshirë përmbytje të rrugëve që mund të rrisin rrezikun për aksidente.
Policia ka apeluar që të rritet vigjilenca dhe kujdesi i pjesëmarrësve në trafik.
- Advertisement -
“Njësitet policore janë në terren të mobilizuara për të shtuar sigurinë në trafik dhe po trajtojnë aksidentet që kanë ndodhur. Me qëllim që të rritet vigjilenca dhe kujdesi, apelojmë tek të gjithë pjesëmarrësit në trafik, në veçanti drejtuesit e automjeteve, që të jenë të përqendruar në ngasje dhe t’ia përshtatin shpejtësinë kushteve të rrugëve”, thuhet në njoftimin e PK-së.
