Dita e premtë nis me acar dhe kthjellime. Temperaturat minimale zbresin deri në -7C e -9C, lokalisht deri në -11C.
Ditën vransirat shtohen, e përgjatë mbrëmjes të reshura shiu apo dhe shiu të akullt përfshinë gradualisht vendin nga perëndimi në lindje.
Viseve malore reshjet kryesisht do të jenë në formë dëbore. Temperaturat maksimale shënojnë rritje në 3C e 5C. Frynë erë e lehtë dhe mesatare nga jugu e juglindja 1-4m/s.
Ditën e shtunë mbetet mot kryesisht me vransira, kohëpaskohe të shoqëruara me reshje të dobëta shiu, derisa viseve malore me reshje dëbore. Temperaturat më të larta shkojnë deri në 2C e 5C. Më vonë gjatë mbrëmjes reshjet e shiut shndërrohen në dëborë, e vazhdojnë me intenzitet të dobët ditën e diel.
Temperaturat zbresin në -3C e 0C. Era ndryshon drejtimin në verilindje dhe frynë me intenzitet të lehtë dhe mesatarë 3-7m/s.
Sipas parashikimeve të fundit ditëve të para të javës së ardhshme, parashihet mot më i acartë, me minimale që zbresin deri në -10C, me gjasë që dhe maksimalet të mbesin në vlera negative prej -2C. Priten edhe intervale me diell.
