Rreth 68 % e votave janë numëruar në përfaqësitë diplomatike

Komisioni Qendror i Zgjedhjeve (KQZ), po vazhdon numërimin e votave nga kutitë e përfaqësitë diplomatike të Kosovës.

Kur janë numëruar 67.44 % të votave apo 29 nga 43 kutitë, po vazhdon të prijë Lëvizja Vetëvendosje (LVV).

Partia e Albin Kurti ka 81.91 % të votave.

Më pas është Lidhja Demokratike e Kosovës me 7.50 %.

Partia Demokratike e Kosovës (PDK), ka 6.14 %, ndërsa Aleanca për Ardhmërinë e Kosovës 1.50 %.