Numri i viktimave nga zjarri në Hong Kong ka arritur në 83.
Mes këtyre personave që humbën jetën, është një zjarrfikës dhe dy punëtore shtëpiake indoneziane.
79 persona të tjerë po luftojnë me lëndime në spital, derisa shumë të tjerë ende mbesin të zhdukur.
Kompleksi përbëhet nga tetë kulla 32-katëshe, që përmbajnë rreth 2,000 apartamente, dhe në atë kohë ishin duke u rinovuar. Atje jetojnë rreth 4,800 njerëz.
Derek Chan, zëvendësdrejtori i shërbimeve të zjarrfikësve, tha se tubat e tyre kishin arritur në njësitë e mbetura që ende ishin në flakë dhe flakët pritet të jenë shuar plotësisht deri në orën 9 të mëngjesit sipas orës lokale të premten.
Zyrtari i zjarrfikësve tha se operacionet e tyre ishin penguar nga nxehtësia intensive e zjarrit.
Mbeturinat dhe skelat që binin nga nivelet më të larta e kishin bërë gjithashtu të vështirë hyrjen në ndërtesa, së bashku me temperaturat e larta dhe errësirën.
Tre të moshës midis moshë 52 dhe 68 vjeç, u arrestuan të enjten në mëngjes me dyshimin për vrasje të paqëllimshme. Treshja – dy drejtorë dhe një konsulent inxhinierie – punonin në një kompani ndërtimi, tha policia.
Policia pretendoi se kishte arsye të besonte se palët përgjegjëse të kompanisë ishin “të pakujdesshme, gjë që çoi në këtë aksident dhe shkaktoi përhapjen e pakontrollueshme të zjarrit, duke rezultuar në viktima të mëdha”.
Policia nuk e emëroi kompaninë, por më vonë të enjten kontrolloi zyrën e një kompanie ndërtimi dhe inxhinierie. Ata sekuestruan kuti me dokumente si prova, sipas mediave lokale.
