WASHINGTON / TEHERAN (storm-rks.com) — Konflikti në Lindjen e Mesme ka kaluar në një fazë të re të konfrontimit mes fuqive bërthamore. Burime të larta të inteligjencës amerikane kanë konfirmuar për Washington Post (WP) se Federata Ruse po i jep Iranit informacione të detajuara për të shënjestruar anijet ushtarake dhe avionët e SHBA-së në rajon. Ky është treguesi i parë direkt se një tjetër kundërshtar i madh bërthamor i Uashingtonit po merr pjesë—edhe pse indirekt—në luftën që po shkatërron Iranin.
“Shpagimi” për Ukrainën Sipas zyrtarëve, Moska po e sheh ndihmën ndaj Teheranit si një formë hakmarrjeje për mbështetjen masive që SHBA i ka dhënë Ukrainës. Ndërsa Pentagoni raporton se regjimi iranian po “shtypet” dhe kapacitetet e tij raketore po bien çdo ditë, ndihma ruse ka mundësuar goditje të habitshme “precize” ndaj radareve të paralajmërimit të hershëm dhe qendrave të komandës amerikane.
Asimetria dhe Harxhimi i Municioneve Analistët e mbrojtjes vërejnë se Irani po përdor teknologji të sofistikuar për të depërtuar mburojat ajrore.
-
Vdekja në Kuvajt: Një sulm me dron iranian të dielën la gjashtë ushtarë amerikanë të vrarë.
-
Zbrazja e Depotit: Pentagoni po djeg me shpejtësi rezervat e tij të raketave interceptuese për të mbrojtur asetet nga breshëria e dronëve iranianë, të modeluar pikërisht sipas teknologjisë që Irani ndau me Rusinë për luftën në Ukrainë.
Analiza e iLC/Storm: Ky pivot i Rusisë synon të krijojë një “distraksion strategjik” masiv. Duke e “ngujuar” SHBA-në në një luftë të gjatë në Lindjen e Mesme, Putin synon të shpërndajë vëmendjen e NATO-s nga Krahu Lindor, pikërisht kur ai po përgatit rearmimin final për vitin 2029.
