Rreth 23,000 familje mbetën pa energji elektrike pasi bombardimet ruse në Khersoni të Ukrainën jugore dëmtuan pajisjet e energjisë në qytet, tha të dielën administrata ushtarake lokale.
Sulmi kishte në shënjestër rrethin Dniprovskiy përgjatë lumit Dnipro, një zonë e Khersonit që granatohet rregullisht nga trupat ruse në bregun përballë.
Guvernatori i Khersonit, Oleksandr Prokudin, tha se qyteti Kherson dhe rreth 50 vendbanime në rajonin përreth ishin granatuar nga trupat ruse gjatë 24 orëve të fundit.
“Ushtria ruse bombardoi infrastrukturën sociale dhe zonat e banuara të vendbanimeve të rajonit, në veçanti, duke dëmtuar 2 ndërtesa shumëkatëshe dhe 8 shtëpi private”, tha Prokudin në Telegram.
Presidenti ukrainas Volodymyr Zelenskiy më herët të dielën u bëri thirrje aleatëve të respektojnë premtimet e tyre për të furnizuar Ukrainën me armë, duke përfshirë sistemet për të kundërshtuar sulmet ajrore ruse.
