Presidenti Zelenskyy tha të dielën në mëngjes se Rusia lëshoi 120 raketa dhe 90 dronë në një sulm në të gjithë Ukrainën, duke synuar infrastrukturën e saj energjetike.
Shpërthime u dëgjuan në të gjithë Ukrainën të dielën, duke përfshirë kryeqytetin, Kiev, portin kyç jugor të Odesa-s, si dhe rajonet perëndimore dhe qendrore të vendit, bazuar në raportet e mediave lokale.
Presidenti Zelenskyy tha se Rusia vendosi lloje të ndryshme të dronëve, duke përfshirë raketat balistike Shaheds, lundrues dhe të lëshuara nga avionët. Forcat e mbrojtjes ukrainase rrëzuan 140 objektiva ajrore, tha ai në një deklaratë në Telegram.
Associated Press njofton se sulmi ishtë më i fuqishmi në tre muajtë e fundit.
“Objektivi i armikut ishte infrastruktura jonë energjetike në të gjithë Ukrainën. Fatkeqësisht, ka dëmtime të objekteve nga goditjet dhe rënia e mbeturinave. Në Mykolaiv, si rezultat i një sulmi me dron, dy persona u vranë dhe gjashtë të tjerë u plagosën, duke përfshirë dy fëmijë”, postoi Zelenskky.
Një person u plagos pasi çatia e një ndërtese banimi pesëkatëshe mori flakë në qendrën historike të Kievit.
Të paktën dy persona u vranë dhe gjashtë u plagosën, duke përfshirë dy fëmijë, në qytetin lindor të Mykolaiv, njoftoi guvernatori lokal, Vitalii Kim.
Një termocentral i operuar nga kompania private e energjisë DTEK është “dëmtuar seriozisht”, tha kompania në një deklaratë në Telegram.
Këto sulme kanë ngritur alarmin në Poloni.
“Për shkak të sulmit masiv nga Federata Ruse duke përdorur raketa lundrimi, raketa balistike dhe mjete ajrore pa pilot në objekte të vendosura, ndër të tjera, në Ukrainën perëndimore, avionët polakë dhe aleatë kanë filluar të veprojnë në hapësirën tonë ajrore”, njoftoi në mëngjes, qeveria polake.
Sulmet ruse kanë goditur kapacitetin e prodhimit të energjisë në Ukrainë që nga pushtimi i përgjithshëm i Moskës ndaj fqinjit të saj në shkurt 2022, duke shkaktuar mbyllje të përsëritura emergjente të energjisë dhe ndërprerje të vazhdueshme në mbarë vendin.
Zyrtarët ukrainas u kanë kërkuar në mënyrë rutinë aleatëve perëndimorë që të forcojnë mbrojtjen ajrore të vendit për të kundërshtuar sulmet dhe për të lejuar riparime.
