Mediat italiane kanë lëvduar paraqitjen e mbrëmshme të Kristjan Asllanajt në ndeshjen që Inter e fitoi ndaj Arsenalit.
Asllani që u fut në minutën e 71-të, ka marrë notën 6.
- Advertisement -
“Futet në fushë në një moment të vështirë, përpiqet të mos bëjë gabime”, shkruan Sportmediaset.
Dy minuta lojë i mjaftuan Interit të trondiste Arsenalin, me Dumfries që ishte i pafat teksa goditja e tij u përplas në traversë.
- Advertisement -
Në fundin e pjesës së parë, vendasit fituan një 11-metërsh për prekje të topit me dorë.
Nga pika e bardhë, Calhanoglu u tregua perfekt duke kaluar Inter në avantazh.
Arsenal kishte kontrollin e lojës, krijuan 20 raste, goditën 4 herë kuadratin, por Sommer dhe fati bënë që “topçinjtë” të dilnin “duar bosh” nga kjo transfertë.
