Samsung prej kohësh është përfolur se po punon për një palë syze XR, dhe një raport i ri nga Korja thotë se ato do të zbulohen në formë prototipi nga lansimi i Galaxy S25 në janarin e vitit të ardhshëm.
Syzet nuk do të jenë gati për shitje të menjëhershme te konsumatorët.
Jo vetëm kaq, por me sa duket nuk do të ketë as prototipa për t’i parë në këtë ngjarje, pra raporti thotë se syzet do të shfaqen vetëm “në formën e një videoje ose imazhi”.
Raportet sugjerojnë se syzet, do të dalin në treg në tremujorin e tretë të vitit të ardhshëm, që është nga korriku deri në shtator.
Syzet e Samsung supozohet se do të peshojnë vetëm 50 g dhe do të duken si një palë syze tipike.
Ata do të kenë një funksion pagese, do të përdorin AI dhe do të shfaqin njohjen e fytyrës dhe njohjen e gjesteve. Syzet janë zhvilluar në partneritet me Google dhe Qualcomm që nga shkurti i vitit 2023.
Para zbulimit të tyre, kompania thuhet se fillimisht do të njoftojë platformën e saj të softuerit XR, dhe kjo duhet të ndodhë deri në fund të këtij muaji.
