Shtetet e Bashkuara goditën Venezuelën me një “sulm në shkallë të gjerë” gjatë natës së të shtunës dhe thanë se Presidenti i saj Nicolás Maduro ishte kapur dhe ishte larguar me aeroplan nga vendi pas muajsh presioni të shtuar nga Uashingtoni.
Operacioni i jashtëzakonshëm surprizë i natës u njoftua nga Presidenti Donald Trump në mediat sociale disa orë pas sulmit.
Nuk ishte menjëherë e qartë se kush po e drejtonte vendin dhe vendndodhja e Maduros nuk dihej menjëherë.
Derisa Trump tha se Nicolas Maduro dhe gruaja e tij janë kapur, pa dhënë më shumë detaje.
Trump deklaroi se kanë nisur sulme “në shkallë të gjerë” kundër vendit.
Ai deklaroi se Maduro është larguar me avion nga vendi, megjithëse detajet mbeten të pakta.
Raportet fillestare pohojnë se SHBA-të kanë goditur objektiva të shumta në Karakas dhe disa qytete në të gjithë vendin e Amerikës së Jugut.
Ministri i Mbrojtjes i Venezuelës, Vladimir Padrino Lopez, ka njoftuar se do të nisin një “vendosje masive të të gjitha kapaciteteve tokësore, ajrore, detare, lumore dhe raketore… për një mbrojtje gjithëpërfshirëse.
Lopez akuzoi gjithashtu SHBA-në për goditjen e zonave të banuara në një valë sulmesh të shtunën në mëngjes.
“Forcat “pushtuese” amerikane “kanë përdhosur tokën tonë, duke shkuar aq larg sa kanë sulmuar, duke përdorur raketa dhe raketa të lëshuara nga helikopterët e tyre luftarakë, zona banimi të populluara nga civilë”, pretendoi ai.
