Një vullkan i fjetur prej kohësh ka shpërthyer për herë të parë në historinë e regjistruar.
Vullkani Hayli Gubbi në rajonin Afar të Etiopisë veriore shpërtheu për herë të parë në të paktën 12,000 vjet herët të dielën në mëngjes sipas kohës lokale, sipas Volcano Discovery, një faqe interneti që gjurmon vullkanet aktive në të gjithë botën.
Shpërthimi hodhi re të mëdha hiri dhe tymi mbi Etiopi dhe përtej Detit të Kuq drejt Gadishullit Arabik. U emetuan gjithashtu sasi të mëdha dioksidi të squfurit.
Qendra Këshillimore për Hirin Vullkanik në Tuluzë të Francës, lëshoi një njoftim për aeroplanët që fluturonin në rajon, duke treguar se hiri kishte arritur lartësinë prej 49,000 metrash.
Sipas raportimeve, kontrollorët e trafikut ajror deri në Indi po përgatiteshin për ndërprerje të mundshme të fluturimeve si rezultat i mbulesës së hirit që lëvizte.
Zyrtarët vendas i thanë Associated Press se nuk pati viktima si pasojë e shpërthimit.
Por jetesa e komuniteteve të afërta të barinjve të bagëtive mund të preket sepse shumë fshatra janë mbuluar nga hiri, duke lënë pak tokë për kullotjen e kafshëve.
Vullkani, i vendosur pranë kufirit Eritreano-Etiopian, vazhdoi të shpërthente që nga mbrëmja e së hënës sipas kohës lokale, por që atëherë është ndalur, sipas Qendrës Këshillimore për Hirin Vullkanik.
Imazhet treguan re të mëdha hiri që dilnin nga maja e vullkanit.
Vullkani Hayli Gubbi në Etiopi u kap duke shpërthyer në imazhet satelitore, 23 nëntor 2025.
Hayli Gubbi, një vullkan i gjerë në formë kupole me shpate të buta, ka një lartësi maje prej më shumë se 1700 metrash. Ai përmban një kon simetrik skorie me një krater 650 metra të gjerë.
Është vullkani më jugor në vargmalin Erta Ale, një zinxhir vullkanik në depresionin Danakil të Etiopisë, i vendosur aty ku takohen tre pllaka tektonike. Vargu Erta Ale është i njohur për liqenet e tij të vazhdueshme të lavës dhe përbëhet kryesisht nga vullkane mburoje.
Shpërthimi i fundit i njohur në Hayli Gubbi ishte listuar më parë si “i panjohur”, sipas Institutit Smithsonian. Por ka prova gjeologjike “të besueshme” se shpërthimi i fundit ndodhi më shumë se 12,000 vjet më parë.
