Parajsa e Paqësorit të Tuvalut është një nga kombet më të largëta në botë, e rrethuar nga peshq të shumtë ekzotikë dhe korale shumëngjyrëshe.
I vendosur midis Australisë dhe Havait, vendi është aq i izoluar sa të gjitha transaksionet, qoftë nga vendasit apo nga vizitorët, janë bërë ndonjëherë vetëm me para në dorë.
E me 15 prill atje u bë një festë e madhe, pasi u vendos në funksion aparati i parë për deponim dhe tërheqje te parave i njohur botërisht me shkurtesën ATM.
Ndërsa zyrtarët u mblodhën para një prej ATM-ve në ishullin kryesor të vendit, Funafuti, kryeministri Feleti Teo përshëndeti “pikën e rëndësishme”.
Ai i prezantoi vendit makineritë e reja të martën i rrethuar nga personalitete vendase, duke prerë një tortë masive me çokollatë.
Siose Teo, menaxher i përgjithshëm i Bankës Kombëtare të Tuvalu, e cila operon makineritë, tha se ishte një “arritje e madhe” dhe “ndërrim transformues” që do të “hapë dyert për fuqizimin ekonomik të popullit të Tuvalu”, i cili ka një popullsi prej rreth 11,200 banorësh.
“Ai patjetër do të thyejë barrierat dhe do t’i prezantojë njerëzit me shërbime bankare moderne dhe të besueshme”, u citua të thoshte Nisar Ali nga Pacific Technology Limited, e cila ndihmoi në projektimin e makinës, nga transmetuesi publik australian ABC.
Tuvalu është një nga vendet më të vogla në botë, me nëntë ishujt e tij të vegjël që mbulojnë vetëm 10 milje katrore të kombinuara.
Jo shumë njerëz udhëtojnë atje. Pak më shumë se 3,000 turistë vizituan ishullin në vitin 2023, sipas të dhënave të qeverisë.
Ajo ka një aeroport, në Funafuti, që ofron vetëm një pjesë të vogël të fluturimeve çdo javë nga fqinji i Paqësorit, Fixhi.
Kur asnjë aeroplan nuk ulet, pista përdoret nga vendasit si shesh lojërash për të gjitha llojet e aktiviteteve nga regbi e deri në futboll.
Brenda vendit, njerëzit shkojnë mes ishujve me traget, pasi nuk ka fluturime të brendshme.
Meqenëse pika e tij më e lartë është vetëm 15 metra mbi nivelin e detit, Tuvalu është jashtëzakonisht i prekshëm ndaj rritjes së nivelit të detit dhe është një nga vendet më të kërcënuara nga kriza klimatike.
Rritja e nivelit të detit jo vetëm që i shtyn brigjet e tij, por uji i kripur i gërryen gjithashtu tokën e kufizuar bujqësore të vendit.
Ngrohja e temperaturave të detit kërcënon gjithashtu jetën detare përreth.
Vendi u bë tituj ndërkombëtarë në vitin 2021 kur ministri i jashtëm i atëhershëm Simon Kofe mbajti një fjalim në Kombet e Bashkuara ndërsa qëndronte deri në gjunjë në ujë.
