Si është gjendja e hetuesit të IPK-së që u plagos në “Rrugën B” në Prishtinë?

Sonte rreth orës 21:00 në “Rrugën B” në Prishtinë është plagosur një hetues i Inspektoratit Policor të Kosovës (IPK), i cili më pas u dërgua për trajtim mjekësor.

Drejtori i Klinikës Emergjente në QKUK, Naser Syla, ka deklaruar për media se gjendja e të plagosurit është stabile dhe jashtë rrezikut për jetë.

“Është sjellë një i plagosur në Qendrën Emergjente, i plagosur me armë zjarri. Gjendja e tij është stabile për momentin dhe jashtë rrezikut për jetë. Pas ekzaminimeve në Qendrën Emergjente, ai do të transferohet në Klinikën e Ortopedisë”, ka thënë Syla.

Ndërkohë, policia e ka identifikuar të dyshuarin dhe ndodhet në kërkim të tij.

Plagoset hetuesi i IPK-së në “Rrugën B” në Prishtinë