Aplikacioni Siri me veçori të reja nga Inteligjenca Artificiale fillimisht u përfol se do të mbërrinte në prill me lëshimin e iOS 18.4, por më pas thashethemet e reja treguan se ai do të vonohej përsëri pas asaj pike.
Në të vërtetë, Siri i ri i pajisur me AI është ende shumë larg, pasi ishte në thelb më i vështirë për t’u zhvilluar nga sa mendonte Apple fillimisht.
“Siri i ndihmon përdoruesit tanë të gjejnë atë që u nevojiten dhe t’i kryejnë gjërat shpejt, dhe vetëm në gjashtë muajt e fundit, ne e kemi bërë Siri më bisedore, kemi prezantuar veçori të reja si tipi në Siri dhe njohuritë e produktit dhe kemi shtuar një integrim me ChatGPT. Ne kemi punuar gjithashtu për një Siri më të personalizuar, duke i dhënë asaj më shumë ndërgjegjësim për kontekstin tuaj personal, si dhe aftësinë për të ndërmarrë veprime për ju brenda dhe nëpër aplikacionet tuaja. Do të na duhet më shumë nga sa kishim menduar për t’i ofruar këto veçori dhe ne parashikojmë t’i nxjerrim ato në vitin e ardhshëm”, thuhet në një deklaratë të Apple.
Afati i ri kohor i lëshimit, të paktën zyrtarisht, është “në vitin e ardhshëm”.
Kjo duket se nënkupton një vonesë shumë më të madhe nga sa parashikonin edhe thashethemet më të reja.
Pra, nëse e keni pritur me padurim Siri-n më të personalizuar, atë që ju “njeh” dhe mund të ndërmarrë veprime brenda aplikacioneve në emrin tuaj, përgatituni për shumë më tepër pritje.
Ndërkohë, me lëshimin e iOS 18.4 muajin e ardhshëm, Apple Intelligence (siç është tani) më në fund do të arrijë në BE dhe gjithashtu do të bëhet i disponueshëm në më shumë gjuhë.
