Dhomat e Specializuara në Hagë, kanë njoftuar se është marrë vendimi për shtyrjen e seancave të caktuara për muajin nëntor dhe dhjetor për gjykimin e ish-presidentit Hashim Thaçi.
“Pas përfundimit të Konferencës për Ecurinë e Çështjes sot, ju informojmë se të gjitha seancat e caktuara më parë për nëntor dhe dhjetor në gjykimin Thaçi dhe të tjerët janë anuluar dhe janë hequr nga Kalendari i Gjykatës. Siç është thënë gjatë Konferencës për Ecurinë e Çështjes, Trupi Gjykues synon të lëshoj një vendim më vonë këtë javë në lidhje me hapat e ardhshëm”.
