Spitali i mbushur me pacientë në Ukrainë shkatërrohet nga sulmi rus me dron kamikaz – vetëm pak orë pasi Trump dëboi Zelenskyn nga Shtëpia e Bardhë pas një debati të ashpër në Zyrën Ovale
Një spital në Ukrainë është goditur nga një sulm rus me dron kamikaz vetëm disa orë pasi presidenti Volodymyr Zelensky u dëbua nga Shtëpia e Bardhë pas një përplasjeje me presidentin amerikan, Donald Trump.
Sulmi rus ndaj objektit mjekësor shkaktoi një zjarr të madh të premten mbrëma në Kharkiv, qytetin e dytë më të madh të Ukrainës, tha kryetari i bashkisë, Ihor Terekhov.
Terekhov nuk dha menjëherë informacione për viktima të mundshme, por bëri të ditur se dronët goditën gjithashtu një zonë pranë një stacioni karburanti dhe një ndërtesë afër një pallati shumëkatësh.
Guvernatori rajonal, Oleh Syniehubov, deklaroi se të gjitha sulmet ndodhën në lagjet qendrore të qytetit dhe ekipet e emergjencës po punojnë në vendngjarje.
