StormKosova nis emisionin e ri “Makina e Shkrimit” për librin dhe krijimtarinë
Mediumi StormKosova po sjell një hapësirë të re kushtuar kulturës dhe mendimit kritik, duke i dhënë më shumë vëmendje botës së librit dhe autorëve.
E njohur si simbol i shkrimit dhe krijimtarisë, makina e shkrimit ka luajtur një rol të rëndësishëm në historinë e letërsisë dhe gazetarisë, duke qenë mjeti me të cilin janë hedhur në letër mijëra vepra dhe ide që kanë ndikuar në shoqëri.
Në këtë frymë, ka nisur emisioni i ri “Makina e Shkrimit”, i ideuar dhe realizuar nga Artan Kajtazi, gazetar me përvojë të gjatë në gazetari të shkruar, elektronike dhe televizive, i cili ka realizuar deri më tani dhjetëra emisione kulturore, dokumentare dhe jo vetëm.
Ky emision vë në qendër librin, procesin krijues dhe rrëfimet e autorëve, duke synuar të afrojë lexuesin me letërsinë dhe idetë që formësojnë shoqërinë.
