Stuhi dhe përmbytje të mëdha godasin Evropën Qendrore: Alarm për Poloninë, Çekinë, Austrinë dhe Rumaninë
Europa Qendrore po përballet me një situatë klimatikisht të rrezikshme këtë fundjavë, ndërsa ekspertët paralajmërojnë për përmbytje të rënda që kanë goditur Poloninë, Çekinë, Austrinë dhe Rumaninë. Nivelet e ujit në Bavari, Gjermani, po ashtu janë në rritje, por situata ende mbetet nën kontroll.
Fronti i motit që ka sjellë shirat e dendur në të gjithë kontinentin, ka shkaktuar gjithashtu reshjet e para të mëdha të borës që nga vera në zonat malore të Austrisë dhe Gjermanisë së Jugut.
Nivelet e ujit në Bavari në rritje, por situata ende nën kontroll
Niveli i lumenjve Danub dhe Elb në lindje të Gjermanisë vazhdoi të rritet të shtunën, ndërsa shirat e rrëmbyeshëm kanë goditur gjithë rajonin. Megjithatë, autoritetet gjermane kanë deklaruar se situata ende nuk është e rrezikshme.
Në qytetin Passau, në Bavari, ku Danubi takohet me dy degët kryesore, Ilm dhe Ilz, pritet rritja më e madhe e niveleve të ujit. Niveli i Danubit atje ka arritur në 7.9 metra, ndërsa ai i Ilm-it rreth 5.5 metra.
Zyrtarët lokalë njoftuan se përmbytjet e gjera nuk priten, por mund të ndodhin përmbytje sporadike të ndërtesave apo bodrumeve
Ndërkohë, Shërbimi gjerman i motit paralajmëroi për reshje të mëdha në pjesën më të madhe të Gjermanisë, duke përfshirë Alpet. Në pikat më të larta pritet të ketë borë të dendur dhe erëra të forta.
by: Storm-rks + mediat nderkombetare
