Kryetari i Komunës së Suharekës, Bali Muharremaj, thotë se është kërcënuar.
Muharremaj përmes një postimi në rrjetin social “Facebook” ka thënë është kërcënuar me shprehjet “Sytë ja shpofsha”, teksa ka postuar fotografitë ku ai është krahasuar me liderin suprem të Koresë së Veriut, Kim Jong Un.
“Andaj ju ftoj për qetësi dhe vetpërmbajtje. Nuk kemi nevojë ta urrejmë askend, sepse vota në demokraci e përcakton fituesin. Suhareka është model i kulturës dhe tolerancës andaj mos bini në asnjë provokim. Natyrisht kërkoj nga organet e rendit ta hetojnë rastin”, deklaroi mes të tjerash ai.
Postimi i plotë:
Mirëmbrëma të dashur qytetarë,
Fyerjet e tilla nuk na qojnë askund.
Madje as llojet e kërcënimeve si “Syt ja Shpofsha” nuk e krijojnë një situatë të mirë.
Andaj ju ftoj për qetësi dhe vetpërmbajtje.
Nuk kemi nevojë ta urrejmë askend, sepse vota në demokraci e përcakton fituesin.
Suhareka është model i kulturës dhe tolerancës andaj mos bini në asnjë provokim.
Natyrisht kërkoj nga organet e rendit ta hetojnë rastin.
