Gjatë një feste ortodokse sot në Manastirin e Deçanit, Policia e Kosovës ka hasur në një veturë të dyshuar me targa malazeze, tek targat e së cilës shkruante “Kosova është Serbi”.
Lidhur me rastin policia ka arrestuar tre të dyshuar, që gjendeshin në automjet.
- Advertisement -
Rastin për media e ka konfirmuar zëdhënësi i policisë për rajonin e Pejës, Fadil Gashi.
“Policia ka hasur në një parking një veturë me targa të Malit të Zi, ku në to ishte e shënuar ‘Kosova është Serbi’. Policia ka arritur te identifikojë të dyshuarit dhe pas një pune intensive i ka arrestuar tre persona, janë intervistuar dhe me vendim të prokurorit të shtetit të njëjtit janë ndaluar për 48 orë”, tha Gashi.
- Advertisement -
Rasti është duke u hetuar dhe po cilësohet si “nxitje te urrejtjes”.
