Një person në Pejë ka mbetur i plagosur si pasojë e të shtënave me armë zjarri.
Lajmin e ka konfirmuar për media zëdhënësi i Policisë për rajonin e Pejës, Driton Rugova.
I njëjti ka shtuar se viktima është dërguar në Spitalin Rajonal në Pejë, ku është duke u trajtuar nga ekipi mjekësor, ndërsa i dyshuari është larguar në drejtim të panjohur dhe është në kërkim nga Policia.
‘‘Sot rreth orës 15:50, Policia është njoftuar se në rrugën ‘ Papa Klementi’ në Pejë, ka të shtëna me armë, njësitet relevante kanë dalë ne vend ngjarje aty është kuptuar se si pasoj e këtyre të shtënave një person është plagosur nga arma e zjarrit, i njëjti është dërguar në Spitalin Rajonal në Pejë, ku është duke u trajtuar nga ekipi mjekësor, ndërsa i dyshuari i këtij rasti është larguar në drejtim të panjohur dhe është në kërkim nga Policia’’, thuhet në përgjigjen e Policisë.
