Një tërmet me magnitudë prej 7.7 ballësh goditi Tajlandën dhe Mianmarin fqinj të premten në mesditë sipas orës lokale, duke shembur një ndërtesë të lartë në ndërtim në Bangkok dhe duke detyruar qindra mijëra persona të evakuohen nga shtëpitë dhe vendet e tyre të punës.
Tërmeti i mesditës u pasua nga një pasgoditje e fortë me magnitudë 6.4 ballë.
Njerëzit në Bangkok të evakuuar nga ndërtesat e tyre u paralajmëruan të qëndronin jashtë në rast se do të kishte më shumë pasgoditje.
Qeveria e këtij vendi ka shpallur gjendje të jashtëzakonshme në gjashtë rajone dhe shtete në Mianmar.
Televizioni shtetëror MRTV tha se shpallja e qeverisë së drejtuar nga ushtria përfshin kryeqytetin Naypyitaw dhe Mandalay.
Mianmari është në mes të një lufte civile dhe shumë zona nuk janë lehtësisht të arritshme. Nuk ishte menjëherë e qartë se çfarë ndihme do të ishte në gjendje të ofronte ushtria.
Reaguesit e urgjencës tajlandeze thonë se dy persona janë gjetur të vdekur dhe një numër i panjohur i të tjerëve janë ende nën rrënojat e një ndërtese që u shemb pas një tërmeti masiv.
Punonjësi i shpëtimit Songwut Wangpon u tha gazetarëve se shtatë persona të tjerë ishin gjetur të gjallë.
