Në një fjalim emocional dhe politik prej 20 minutash në Dhomat e Specializuara, ish-presidenti Hashim Thaçi ka rrëzuar pretendimet e Prokurorisë për “kontroll dhe pushtet”. Thaçi deklaroi se lufta e tij nuk ishte për tituj, por për mbijetesë, duke theksuar se UÇK-ja ishte një organizim popullor dhe se pa ndihmën e NATO-s dhe SHBA-së, liria e Kosovës do të ishte e pamundur.
Pikat kryesore nga dëshmia e Hashim Thaçit:
-
Kundërshtari i Vetëm: Thaçi ripërsëriti se armiku i vetëm i tij, i Kosovës dhe i botës demokratike ishte diktatori serb, Sllobodan Millosheviq.
- Advertisement - -
Mbijetesa mbi Pushtetin: “Nuk e dija nëse do të isha gjallë nga ora në orë… nuk isha i sigurt nëse do ta shihja gruan dhe djalin e sapolindur.” Ai mohoi se kishte kontroll në një Kosovë që ishte “plotësisht e pushtuar”.
-
UÇK-ja nuk ishte Shtet: Thaçi sqaroi se UÇK nuk ishte ushtri e rregullt e një shteti, por një lëvizje popullore që po mbrohej nga një agresor shtetëror.
- Advertisement - -
Roli i NATO-s: Ai theksoi se pavarësia nuk ishte mjet për pushtet, por për dinjitet, dhe se kjo nuk do të arrihej kurrë pa intervenimin e aleatëve perëndimorë.
