Ish-presidenti i Kosovës, Hashim Thaçi, ka dhënë një intervistë për gazetën e njohur gjermane, FAZ.
Thaçi është pyetur se nëse ‘’ka mbaruar jeta e politikanit’’ për të, ku është përgjigjur se, garën politike e sheh pas vetes, por jo edhe jetën e tij politike.
“Ju pyetni nëse jeta ime politike ka mbaruar. Unë e shoh garën politike pas meje, por jo jetën time politike. Si qytetar i lirë i Kosovës, do të vazhdoj t’i shërbej publikut dhe shtetit në të ardhmen. I përulem popullit të Kosovës që më ka treguar besim, respekt dhe mbështetje për vizionin tim politik për dy dekada. Gjithashtu shpreh mirënjohjen time të thellë për partnerët tanë ndërkombëtarë që kanë punuar ngushtë me mua për të realizuar vullnetin e popullit për liri dhe pavarësi. Ndihem i përmbushur në karrierën time politike’’, ka thënë Thaçi mes tjerash për FAZ.
Ish-presidenti i Kosovës jep intervistë nga burgu për gazetën gjermane FAZ
