Las Palmas shkaktoi befasinë pasditen e së shtunës duke arritur që të fitojë me rezultat 2-1 në udhëtim ndaj Barcelonës.
Pas përfundimit të ndeshjes, trajneri i mysafirëve, Diego Martinez, u pyet për ‘sekretin’ që fshihet mbrapa këtij triumfi të ekipit të tij.
Martinez tha se ai i studion gjithmonë rivalët e tij para se të ndeshet me ta dhe kjo sipas tij ndonjëherë funksionon dhe ndonjëherë jo.
“Unë i studioj të gjithë rivalët e mi, por në disa raste, përkundër se i studioj shumë mirë, për çfarëdo arsye, gjërat nuk funksionojnë. Në çdo rast, nuk varet vetëm nga ju suksesi por edhe nga suksesi i rivalit tuaj. Gjëja e parë që të jesh në gjendje të marrësh pikë këtu, ju duhet të besoni, kjo është gjëja më e rëndësishme”, ka thënë Martinez.
“Ne luajtëm shpejt, me tranzicion të mirë, ishim më vertikal dhe i shfrytëzuam këto hapësira. Nuk kishte pothuajse asnjë duel ajror, kështu që nuk mendoj se ishte direkt. A do të doja të kisha më shumë topin, po, por kur e kishim, mua më pëlqeu se çfarë kemi bërë”, përfundoi ai.
Kjo fitore bëri që Las Palmas të ngjitet në pozitën e 14-të në tabelën e La Ligas, teksa në anën tjetër e rihapi garën për titull mes Barcelonës dhe Real Madridit.
