Trajneri i ri i Man Utd, Ruben Amorim, po përgatit një lëvizje për ish-mbrojtësin e Man City, Danilo nga Juventusi, sipas raportimeve në Itali.
Djajtë e Kuq morën vendimin për të shkarkuar Erik ten Hag javën e kaluar pasi një fillim i tmerrshëm i sezonit i ka parë ata të marrin vetëm tri fitore nga dhjetë ndeshjet e tyre të para në Premier League.
Amorim është emëruar si zëvendësues i tij dhe do ta marrë zyrtarisht detyrën më 11 nëntor pasi të ketë menaxhuar ndeshjen e fundit të Sporting Lisbonës kundër Bragës këtë fundjavë.
Trajneri portugez ka një punë të vështirë me Man Utd aktualisht në vendin e 13-të në tabelën e Premier League, ndërsa vetëm Southampton dhe Crystal Palace kanë shënuar më pak gola se Djajtë e Kuq.
Tashmë ka pasur lidhje me lojtarë të shumtë pasi Amorim mendon se si mund të përmirësojë skuadrën e tij gjatë dy dritareve të ardhshme të transferimit.
Sulmuesi i Sporting Lisbonës, Vicktor Gyokeres ka qenë një nga thashethemet kryesore pasi Man Utd kërkon të zgjidhë mungesën e golave të tyre, por kostoja e suedezit patjetër do të përjashtojë një lëvizje në janar.
Dhe tani uebfaqja italiane Juve Live e ka lidhur Man Utd me një mbrojtës dhe një shtesë më realiste me kosto të ulët të janarit në formën e mbrojtësit të djathtë të Juventusit, Danilo, i cili dikur luante për rivalët kryesorë të Djajve të Kuq, Man City.
Danilo – i cili është kapiten i Juventusit dhe Brazilit – me sa duket është ‘në prag të largimit’ nga Torino dhe Amorim ‘e dëshiron atë’ te Man Utd në afatin kalimtar të dimrit.
