Gjiganti metalurgjik “Trepça” ka njoftuar se pas përfundimit të fazës së kthimit të pronave nën manexhim Trepça Sh.A, për herë të parë pas luftës ka filluar procesi i lirimit të pronave në Zonën Kadastrale Hajvali.
Sipas tyre, bëhet fjalë për një sipërfaqe prej 11 hektarësh, pronë e Trepçës, me një vlerë tregu mbi 23 milionë euro.
“Ky është vetëm fillimi i procesit të rikthimit të pasurisë së Trepçës dhe vënies së saj në funksion të zhvillimit e të ardhmes së ndërmarrjes”, thuhet mes tjerash në njoftim.
Njoftimi i plotë:
🚨 LAJM HISTORIK NGA TREPÇA Sh.A 🚨
📢 Pas përfundimit të fazës së kthimit të pronave nën menaxhim Trepça Sh.A, për herë të parë pas luftës ka filluar procesi i lirimit të pronave në Zonën Kadastrale Hajvali!
🏞️ Fjala është për një sipërfaqe prej 11 hektarësh, pronë e Trepçës, me një vlerë tregu mbi 23 MILIONË EURO.
✅ Ky është vetëm fillimi i procesit të rikthimit të pasurisë së Trepçës dhe vënies së saj në funksion të zhvillimit e të ardhmes së ndërmarrjes.
📌 Trepça Sh.A. njofton se së shpejti kjo pronë do të ofrohet për shfrytëzim të përkohshëm.
🔹 Palët e interesuara do të ftohen zyrtarisht për të aplikuar, në përputhje me procedurat ligjore dhe parimet e transparencës.
