Tronditet Franca, sulm me thikë në një shkollë afër Nantes

Një nxënës në një shkollë të mesme franceze raportohet të ketë goditur me thikë katër nxënës të tjerë në shkollën e tij.

Nga ky sulm ka mbetur i vrarë një nxënës, derisa tre të tjerë janë të lënduar, ka bërë të ditur policia, e cila ka njoftuar se dorasi është arrestuar.

Rrethanat e sulmit nuk janë të qarta.

Një zyrtar i policisë tha se sulmi ndodhi në shkollën e mesme private Notre-Dame-de-Toutes-Aides në Doulon, afër Nantes në brigjet e Atlantikut të Francës.

Nxënësi theri me thikë katër persona përpara se mësuesit ta bllokonin, për tu kapur më vonë nga policia.

Një zëdhënës i policisë tha se nuk kishte të dhëna për një motiv terrorist.