Presidenti Donald Trump tha se SHBA “nuk do të durojë” rezistencën e perceptuar të presidentit Volodymyr Zelensky për t’i dhënë fund luftës me Rusinë, duke e bërë të qartë se armiqësia e tij ndaj liderit ukrainas mbetet pas një grindjeje në Zyrën Ovale të premten.
“Kjo është deklarata më e keqe që mund të ishte bërë nga Zelenskyy dhe Amerika nuk do ta durojë atë për shumë kohë!”, shkroi Trump në Truth Social, duke cituar një tekst të AP që citonte Zelensky gjatë fundjavës duke thënë se fundi i luftës është “ende shumë, shumë larg”.
“Është ajo që po thosha, ky djalë nuk do që të ketë paqe për sa kohë që ai ka mbështetjen e Amerikës dhe, Evropa, në takimin që patën me Zelenskyy, deklaroi prerazi se nuk mund ta bëjnë punën pa SHBA-në – ndoshta nuk është një deklaratë e mrekullueshme që është bërë për sa i përket shfaqjes së forcës kundër Rusisë. Çfarë po mendojnë?”, shtoi tutje Trump.
