Presidenti amerikan Donald Trump ka thënë se mund të takohet me presidentin ukrainas Volodymyr Zelensky në Romë më 26 prill gjatë funeralit të Papa Françeskut.
Të dy liderët nuk janë takuar personalisht që nga takimi i tensionuar i shkurtit në Zyrën Ovale, ku Trump dhe nënpresidenti JD Vance, kritikuan Zelenskyn për atë që ata e quajtën mungesë mirënjohjeje për mbështetjen amerikane në luftën e Ukrainës kundër Rusisë.
Vatikani do të vendosë delegacione në funeral sipas rendit alfabetik francez, që do të thotë se Trump dhe Zelensky nuk do të ulen pranë njëri-tjetrit gjatë shërbimit.
Zelensky tha të premten se pjesëmarrja e tij mbetet e pasigurt për shkak të takimeve urgjente ushtarake në Kiev, duke përfshirë çështjet e pazgjidhura pas sulmit raketor të Rusisë më 24 prill që vrau 12 civilë dhe lëndoi 87.
“Nëse nuk kam kohë, Ukraina do të përfaqësohet në një nivel të mirë. Ministri i Jashtëm (Andrii Sybiha) dhe Zonja e Parë (Olena Zelenska) do të jenë atje”, u tha Zelensky gazetarëve.
