Rusia dhe Ukraina kanë liruar 50 të burgosur në një shkëmbim midis kombeve ndërluftuese.
”Kievi ka pranuar 25 të burgosur lufte dhe civilë të moshës 24 deri në 60 vjeç”, theksoi ushtria ukrainase.
Midis të liruarve janë ushtarë nga rajonet e Kharkiv, Zaporizhzhya dhe Donetsk, si dhe ushtarë të plagosur nga zona e diskutueshme kufitare e Rusisë, Kursk.
Presidenti ukrainas, Volodymyr Zelensky, falënderoi Emiratet e Bashkuara Arabe për ndërmjetësimin e shkëmbimit.
“Synimi mbetet për të sjellë të gjithë të burgosurit në shtëpi”, ka shkruar Zelensky në platformën “X”.
Shumë nga të riatdhesuarit kishin lëndime dhe sëmundje të rënda dhe tani po marrin trajtim mjekësor.
Ministria ruse e Mbrojtjes kishte dhënë më parë informacion për shkëmbimin, por kishte përmendur vetëm 25 robër lufte që po ktheheshin në shtëpi dhe jo civilë.
